15.03.2018 / / /

Vice President International Business Development Flughafen Zürich AG

L’entschatta da miu engaschi sundel jeu staus involvaus tier l’avertura dalla nova plazza d’aviatica ell’India dil sid a Bangalore. Suenter l’avertura gartegiada sundel jeu s’occupaus cun il svilup da novas spartas da fatschenta per la plazza aviatica da Turitg SA egl Orient Central ed ell‘Europa. Ina cumpart decisiva tier il svilup da novas spartas en in ambient internaziunal era d’anflar ils dretgs partenaris per ils projects en las differentas tiaras. En quei connex collidevan differents interess in sin l’auter. Aschia havevan ils investurs auters interess ch’ils concerns da baghegiar e puspei auters interess havevan ils interpreturs dallas plazzas d’aviatica. Duront quei temps hai jeu empriu da contrahar e da representar ils agens interess aschi bein sco pusseivel. Quellas experientschas gidan mei oz ella veta politica.