15.03.2018 / / /

Manager da projects tier ZIMEX AVIATION LTD a Dubai

Biabein dus onns hai jeu passentau a Dubai sco manager da projects tier Zimex Aviation LTD nua che jeu hai menau l’installaziun d’ina societad aviatica locala. Quei temps ei staus fetg instructivs. Luvrar en ina cultura jastra pretenda dapli attenziun. Ins sto tedlar e mirar pli exact per capir. Tier quella dimora ella regiun araba sun jeu occupaus intensivamein cun l’atgna cultura, tradiziuns e valurs. Aschia sundel jeu vegnius pertscharts tgei che la patria munta e cura ch’ins sesenta en in liug dacasa.