14.03.2018 / Elecziuns dalla Regenza / /

Sis motivs daco che Mario Cavigelli e Marcus Caduff procuran per midadas el cussegl guvernativ

promts per midadas

1. Mario Cavigelli e Marcus Caduff ein persunalitads cun bunas habilitads da direger!

Mario Cavigelli ha mussau ils davos otg onns sco cau digl uffeci da construcziun, traffic e selvicultura ch’el ei ina ferma persunalitad da direcziun. Sias qualitads da direger vul el era metter a disposiziun ils quater onns vegnents al cantun Grischun.

Marcus Caduff ei directur dil Spital regiunal Surselva, nua ch’el porta la responsabladad per en tut 260 collaboraturs. En quei pensum demuossa el di per di sias habilitads da direger. Quei ein bunas premissas pigl uffeci sco cusseglier guvernativ.

2. Mario Cavigelli e Marcus Caduff ein realisaturs !

Mario Cavigelli ha procurau duront sias empremas duas legislaturas sco cusseglier guvernativ per la modernisaziun dall’infrastructura el cantun Grischun. Cheutras ha el migliurau las premissas da basa per l’economia sco era per la populaziun. Duront il temps sco cau dil departament ha el realisau differents projects dall’infrastructura, oravontut els roms dil traffic (vias, viafier) ed energia.

Sco president e commember dalla Conferenza dallas regenzas dils cantuns muntagnards eis el semess en fermamein encunter la sligiaziun proponida dil Cussegl federal che ha per finamira da reducir ils tscheins d’aua. En sia tiarza legislatura ha el vinavon l’intenziun da migliurar las cundiziuns da rama pil cantun Grischun.

Marcus Caduff ei in multitalent che realisescha en sia professiun sco era ella veta privata biars projects che scaffeschan per la populaziun e l’economia ina plivalur. Quei ha el demussau cun differents projects e culla fundaziun da pliras interpresas els roms agricultura, gastronomia ed immobilias. Il turissem ei in impurtont motor per l’economia el cantun Grischun. Quella sparta ei ord quei motiv fetg impurtonta per Marcus Caduff. Culla creaziun e formaziun dall’organisaziun Surselva Turissem tier ina ferma structura, sco president dil comite d’organisaziun dalla 25-avla fiasta cantunala da tir che ha liug uonn el Grischun ed era sco commember dil cussegl da fundaziun digl Open Air Lumnezia resda el buca mo dil turissem. Anzi, el viva avon sco nus savein dar al cantun Grischun ils impuls necessaris.

3. Mario Cavigelli e Marcus Caduff semettan en per economicamain fermas regiuns ed era per in ferma Val dil Rein!

Mario Cavigelli e Marcus Caduff vegnan a procurar ella regenza ch’igl entir cantun Grischun stat avon in bien avegnir. Els semettan en che la Val dil Rein ed era las regiuns vegnan ord vesta economica pli fermas. Sch’il cantun Grischun duei daventar pli ferms, basegna ei novas plazzas da lavur e quei sigl entir intschess dil cantun. La populaziun decentrala sto vegnir conservada sco fermezia ed aunc vegnida augmentada. Cheutier s’audan ina ferma economia, denton era ina buna infrastructura fundamentala che cumpeglia scolas, spitals, traffic public, vias da colligiaziun e l’infrastructura da communicaziun. Mario Cavigelli e Marcus Caduff vegnan a semetter en cun tutta forza per ina migliuraziun dallas cundiziuns da basa el cantun Grischun, aschia che tal resta vinavon attractivs da habitar e viver.

4. Mario Cavigelli e Marcus Caduff disponan davart las habilitads d’in cusseglier guvernativ!

Tgei ein las pli impurtontas premissas ch’in cusseglier guvernativ sto ademplir?

Cheu setracta ei d’experientscha da direger, forza da perschuader, voluntad da crear, sentiment politic ed empatia. Mario Cavigelli e Marcus Caduff adempleschan domisdus las premissas ch’ein necessarias per surprender l’incumbensa sco cusseglier guvernativ. Las votantas ed ils votants e dil cantun Grischun prendan ina buna decisiun cun eleger Mario Cavigelli e Marcus Caduff ella regenza.

5. Mario Cavigelli e Marcus Caduff discuoran Talian, Romontsch e Tudestg. Els vivan e han bugen la plurilinguitad e varietad dil cantun Grischun.

El cantun Grischun regia la plurilinguitad culs treis lungatgs ufficials Talian, Romontsch e Tudestg. Mario Cavigelli e Marcus Caduff discuoran tuts treis lungatgs. Quella qualitad ei ina premissa ch’in cusseglier guvernativ sto ademplir. Mario Cavigelli e Marcus Caduff procuran cheutras che tuttas gruppaziuns linguisticas s’identificheschan culla regenza e disponan d’ina vusch tier decisiuns che quei gremi pren.

6. Mario Cavigelli e Marcus Caduff han fermas ragischs e stattan cun domisdus peis sin tiara!

Igl uffeci sco cusseglier guvernativ sa ver per consequenza ch’ins piarda spert l’aderenza dil terren. Mario Cavigelli ha demussau duront ils davos otg onns ch’el ei aunc adina la medema persuna cordiala ed aviarta sco avon sia elecziun. El ha bugen il stretg contact culla populaziun e selegra sils discuors persunals cun tuts burgheis. Quei vegn ad esser tuttina tier Marcus Caduff ella funcziun sco cusseglier guvernativ. Sia derivonza ord in pign vitg muntagnard ed era sia relaziun culla agricultura garanteschan ch’el resta sco cusseglier guvernativ cun domisdus peis sin tiara. Mario Cavigelli e Marcus Caduff ein fetg motivai dad ademplir cun tutta forza ils pensums sco cussegliers guvernativs.

Mario Cavigelli e Marcus Caduff ein cussegliers guvernativs che procuran cun tutta motivaziun e forza per in cantun Cantun Grischun che semova!