13.03.2018 / Elecziuns dalla Regenza / /

Promts per Cavigelli e Caduff?

Nus da la pcd savain exact tge che nus vulain: numnadamain reacquistar il segund sez en la Regenza che nus avain pers 1998. Sper il cusseglier guvernativ en uffizi Mario Cavigelli tramettain nus perquai era il schef da la fracziun, Marcus Caduff, en il cumbat electoral.

Cun dus candidats dain nus a la populaziun grischuna la schanza da pudair cumponer da nov la Regenza. Nus essan pia pronts per insatge nov. E Ti?

Noss Chantun n’astga betg star airi

Il Grischun sto vegnir mantegnì e sviluppà sco Chantun attractiv per l’avegnir. Cun in segund commember da la pcd en nossa Regenza ha la populaziun la schanza ch’insatge sa midia. Omadus candidats èn pronts da procurar ch’il Chantun fetschia progress. Els vulan rinforzar da cuminanza furmaziun e cultura, liberar turissem e mastergn da prescripziuns birocraticas, procurar a las vischnancas dapli dretgs d’autoterminaziun e s’engaschar per il provediment da basa en valladas periferas.

Mario Cavigelli è pront per dapli svilup!

Dapi 2011 è cuss. guv. Mario Cavigelli en uffizi sco schef dal Departament da construcziun, traffic e selvicultura. Durant ils davos 8 onns ha el cumprovà adina puspè sias grondas abilitads e dà damogn a sfidas politicamain difficilas e cumplexas e quai tut cun success e per l’avantatg dal Chantun. Insaquants exempels:

  • vegnì vinavant cun l’economia grischuna d’energia
  • meglierà la cumpetitivitad e la qualitad dal Grischun tras ina moderna infrastructura da traffic
  • fatg ina consequenta politica dad immobilias tras concentrar las unitads administrativas
  • rinforzà effizientamain las regiuns
  • represchentà durant quels onns d’uffizi ils interess dal Chantun e ses abitants sin plaun federal

Ils davos onns en uffizi ha Mario Cavigelli midà e realisà bler. La pcd grischuna stat fermamain ed entiramain davos cuss. guv. Mario Cavigelli e sustegna sia reelecziun. Fas era Ti quai?

Qua intervegnas Ti dapli da Mario Cavigelli

Marcus Caduff è pront da metter en moviment

Cun Marcus Caduff tramettain nus in segund e qualifitgà candidat en il cumbat electoral. Sco president da la fracziun dispona el dad abilitads ed experientschas per pudair gidar enavant sco cusseglier guvernativ il Grischun en l’avegnir. L’agronom ETH, da 44 onns, è oz activ sco CEO dal Spital regiunal Surselva a Glion. El è fitg avert, ferm ragischà en la regiun e sa cumprovà da guidar cun success collavuraturs ed organisaziuns. El cumpletescha idealmain Mario Cavigelli. Ensemen gidan els il chantun Grischun e ses abitants a vegnir enavant en l’avegnir.

Qua pos Ti intervegnir dapli davart Marcus Caduff

Bist du bereit für Mario Cavigelli und Marcus Caduff?